LOCAL RECRUITMENT ACTIVITY SA CALAUAN, ILULUNSAD
Isang libreng Community-Based Skills Training ang inilunsad ng Provincial Employment Service Office (PESO) Calauan katuwang si Mayor Roseller G. Caratihan, bilang bahagi ng kanilang adhikain na makapaghatid ng dagdag kaalaman at kasanayan sa mga Calaueño.
Itinatampok sa programang ito ang Hair Cutting Training Program na naglalayong turuan ang mga kalahok ng praktikal na kasanayan na maaaring magamit bilang hanapbuhay. Bukas ang pagpapalista mula Setyembre 29 hanggang Oktubre 3, 2025 sa PESO Calauan, mula Lunes hanggang Biyernes.
Sa pamamagitan ng programang ito, inaasahang mas maraming mamamayan ang magkakaroon ng oportunidad na makapagsimula ng sariling kabuhayan at makatulong sa kanilang pamilya.
Para sa karagdagang impormasyon, maaaring magpadala ng mensahe sa PESO Calauan Facebook Page.
Trabaho Hatid ng LRA: McDonald’s Recruitment sa Calauan
Noong Agosto 14, 2025, matagumpay na naisagawa ang Local Recruitment Activity (LRA) sa Municipal Conference Hall, Brgy. Kanluran, Calauan, Laguna.
Sa pamamagitan ng programang ito, muling nagkaroon ng pagkakataon ang mga Calaueño na makapag-apply at masuri para sa mga posisyong inaalok ng McDonald’s. Layunin ng aktibidad na ito na mailapit ang mga oportunidad sa trabaho sa mismong komunidad, nang hindi na kinakailangang bumiyahe pa sa malalayong lugar.
Ang LRA ay isa sa mga regular na inisyatiba ng Public Employment Service Office (PESO) Calauan, katuwang ang Pamahalaang Bayan, upang makapaghatid ng trabaho, pag-asa, at oportunidad sa ating mga mamamayan.